Alnını kiçildən amerikalı model gülüş hədəfinə çevrildi


Alnını kiçildən amerikalı model gülüş hədəfinə çevrildi

Alnını kiçildən amerikalı model insanların gülüş hədəfinə çevrilib.

MediaTime xəbər verir ki, bu barədə “The Sun” portalı xəbər verib.
25 yaşlı model Kamilla Kolbro ömrü boyu alnının quruluşundan nifrət etdiyini, bu səbəbdən belə bir əməliyyata qərar verdiyini dilə gətirib.
Onun sözlərinə görə, əməliyyat yeddi min dollara (11 900 AZN) başa gəlib.
Model pərəstişkarları ilə əməliyyatın nəticələri barədə şəkilləri paylaşdıqdan sonra kəskin tənqidlə üzləşib. Belə ki, onlar amerikalının xarici görünüşündə heç bir dəyişiklik olmadığını bildiriblər.
İstifadəçilər “Əvvəl və sonrakı görünüşün eynidir”, “Mən fərq görmürəm”, “Dəyişən nədir ki”, - kimi suallarla müraciət ediblər. Bəziləri isə onu lağa qoymağa başlayıblar.
Kamilla öz növbəsində ittihamlara cavab verib və bildirib ki, son görünüşündən razıdır. O, həmçinin vurğulayıb ki, alnının hündürlüyü 8,5 sm-dən 5,5 sm-ə düşüb.
“Saçlarım çıxandan sonra nəticə daha aydın görünəcək”, - deyə model vurğulayıb.

Elton HACIYEV